黄庭锋全英主持BLACKPINK成员Lisa见面会网民大讚主持功力：机会真係留俾有準备嘅人

黄庭锋全英主持BLACKPINK成员Lisa见面会网民大讚主持功力：机会真係留比有準备既人

现年36岁嘅黄庭锋精通多种语言，当中佢就完成N2日语考试，讲得一口流利日语；早于8月份主持TVB巴黎奥运节目期间，翻译日本乒乓球选手早田希娜嘅夺奖感受，令网民对佢讚不绝口。近日，黄庭锋又为韩国人气女团BLACKPINK成员Lisa香港见面会《LISA Fan Meetup in Asia 2024–Hong Kong》担任主持，并全程用英文与Lisa沟通。虽然黄庭锋坦言呢次係佢最紧张嘅一次，但一班网民都纷纷大讚其主持功力。

黄庭锋主动发送自我介绍影片到Lisa嘅经理人公司和主办单位，最后成功被韩国嗰边选中，连佢自己都难以置信。黄庭锋于社交平台分享多张当日主持嘅工作照，感谢Lisa与支持佢嘅人，写道：「当哩件事真係发生既时候，我问左好多次：『係咪真架？』亚洲博览馆、1万位粉丝、单人匹马、全英文、而最重要係Lisa is in Hong Kong!!! @lalalalisa_m，今次绝对係我有史以黎最紧张既一次演出，虽然之前同碧咸倾计时都有手震，但係今次既压力确实好大，好多谢你既友善同热情，主动同我say hi，令我放鬆，好好享受哩个show，再次感谢你地每一位既欢呼，令到哩个Asia tour有一个完美既句号。」

黄庭锋又表示，是次嘅事前稿主要都係简单流程，大部分流程係去到现场先决定；不过，黄庭锋嘅表现获网民激讚：「虽然无得入场，但在网上睇番片段，你好正，机会真係留比有準备既 (嘅) 人」、「我当日有在场，身边好多观众都大讚你做主持做得好好，唱会气氛很好，同Lisa之间既互动好睇，多谢你带比观众一场咁好既演唱会」、「没有想到昨晚的主持居然是你，支持你啊做得好好」、「好掂呀！好有气氛！well done」、「TVB是要力捧的金牌司仪」、「成件事係型嘅」、「你好叻呀，加油呀」等等。黄庭锋又大讚Lisa亲和嘅一面，指现场保安严密，一直都未有机会与Lisa打招呼，但对方于临出场前主动与佢打招呼；又指难忘喺台上教Lisa讲菠萝包。