詹天文内地升学呻冇圣诞节假期再被质疑大方回应：自己开心就可以

詹天文

现年18岁嘅「声梦小花」詹天文（Windy），较早前透露获美国伯克利音乐学院取录，同时获本港大学取录，但最后放弃美国及香港嘅学位，选择到广州星海音乐学院升学。日前佢喺出席《新城劲爆颁奖礼2024》发布会，期间表示学校冇得放圣诞假期，及重提捨弃伯克利原因。

詹天文喺2021年参加《声梦传奇》时仅15岁，5岁已接受声乐训练嘅佢虽然早于第9集失準出局，但比赛结束后仍有幸被安排与炎明熹（Gigi）、姚焯菲（Chantel）和锺柔美（Yumi）组成女团After Class，四小花亦推出SOLO歌曲。目前Windy喺广州升学，佢表示自己已经适应香港及广州两边走嘅模式，因为除咗搭高铁好方便之外，学校附近美食众多及学习氛围好好。

詹天文早前参加校内嘅「第8届英语文化节英文歌曲介绍与演唱大赛」，佢表示自己获得双料冠军係意料之外，因为同学嘅实力好强，令佢觉得自己仲有好多地方可以提升。另外，詹天文表示好锺意圣诞节，内地并冇圣诞节假期，但佢又想相约Chantel一齐庆祝，所以佢打算喺返香港工作时好好庆祝及感受圣诞节嘅气氛。

詹天文嘅发言引起网民热烈讨论，因为佢放弃美国知名学院学位，反而选择前往广州升学，留言话：「条路自己拣」、「真係唔明点解有最世界最好嘅伯克利音乐学院唔读，要走去广州读书」、「有美国唔去去广州」及「自己拣去大陆又呻冇圣诞，係咪想闹国家政策先？」等等。

至于詹天文点解选择广州升学? 佢早前亦有出IG Story解释：「我知道去Berklee应该是对我学习背景来说的最佳选择，因为它几乎是全球最top的流行乐和爵士乐的学习基地，在那里能学习到更多元化的音乐技能。但是...一方面可能我的胃还没準备好，还未能接受到日日西餐的生活（这不是最重点哈哈哈）。另一方面，我觉得自己的状态并未完全準备好去迎接一个全新且陌生的环境，也不想完全放弃目前学生歌手的身份。而我相信边学习、并实践，应该是走音乐这条路最好的状态。」所以佢经过一轮深思熟虑后，最终选择到广州星海音乐学院升学。不过就唔少网民应该佢选择错误，而佢就回应：「无法做出所有人都满意的选择，自己开心就可以。」