日前，选秀综艺节目《中年好声音3》香港区四十五强顺利产生，作为节目开播以来最年轻的评审、「音乐女神」海儿（Hedy）亦在自己的社交平台上总结感受。
原来这是她首次担任流行曲音乐比赛的评审，「之前有做过古典音乐比赛嘅评审，今次流行音乐加上少少综艺元素係第一次。」由于古典音乐跟流行音乐大不同，所以Hedy事前做足準备功夫，特别在专业用词的中英翻译上，「因为自己学咗八年嘅Classical Singing都係用英文教学，好多关于唱歌技巧、用词都只用英文，所以上节目前，我会喺一啲重要嘅词彙、常用嘅字睇返中文词语，唔想过分中英夹杂。」除此之外，她又重看《中年好声音》及《中年好声音2》、听流行经典歌曲做功课，「自己模拟番个拍摄情况，到第一次听完参赛者表演，即刻根据自己写嘅notes、搵出每个表演者好同可以改善嘅地方。」
首次拍摄选秀综艺节目感觉十分新鲜，亦有不少趣事发生，「海选嘅时候要认真听、分析参赛者嘅声音，我会瞌埋对眼，因为我觉得瞌埋对眼可以shut off咗一啲感官，我嘅听觉会敏感少少，所以我好多时间都会瞌埋眼。到中场休息，我经理人走过嚟同我讲啱啱吓死佢，因为佢见到我瞌埋眼以为我瞓咗，佢劲惊，哈哈，滴晒汗，点解我可以瞌埋眼咁耐，呢件事真係好好笑。」
透过这次当评审，Hedy自言有各方面的得着，当中对一位失去双手的参赛者印象特别深刻，「佢好勇敢咁企喺台上面，唱得非常之好、好震撼。最令我印象深刻係佢超级正面，正当好多人为佢嘅遭遇感到伤心嘅时候，其实佢係非常之positive，佢令我感受咗好多，特别係音乐、做人处世同埋面对难关方面，亦都係对大家一个好好嘅Inspiration。」除此之外，她谓最重要是懂得感恩，「自己由细到大学音乐，之后顺理成章将音乐变成事业。其实幸福非必然，好多人细个想学音乐，但冇机会或者冇人鼓励，长大之后自己未必有信心、又或冇时间，又可能係经济问题，冇办法实践自己嘅梦想。所以我好珍惜自己每一次可以上台表演、可以分享唱歌、可以分享我嘅声音嘅机会。」同时亦鼓励大家不要放弃，「只要俾自己一个机会，表演不单止係一个展现自我嘅平台，更加係一段认识自己、接纳自己，并影响身边所有人嘅旅程。希望大家都可以继续唱歌，体验更多然后分享下去，加油！」
发表评论