黄晓明鞠躬急挽声誉叶珂豪车在手社交帐号都唔要

【on.cc东网专讯】内地影帝黄晓明认爱比佢细15年嘅网红叶珂后，二人被网友一沉百踩，尤其叶珂离婚、整容、人设造假等传闻满天飞，被网友嘲笑开创「珂学」，拖累男友过亿製作新片上映2日仅收3百万，日前更要喺新片宣传活动上，为此哽咽向公众鞠躬道歉，惟叶珂就同时被发现驾驶豪车现身上海外滩。继早前叶珂宣布退出网路后，原来叶珂今次真係「兑现承诺」，今日（20日）有网友发现佢已注销社交帐号！

网友发现叶珂微博已注销，被标示为自行申请关闭，亦有爆料者晒出同叶珂团队嘅对话截图，指叶珂一早申请注销所有公开嘅社交帐号，即係陆续就会见到佢更多Account消失，就连佢最多人睇嘅短片平台Account都放弃埋，明显係想彻底远离网络世界。对此，有网友都开始转风向，叫大家冇必要捉住叶珂唔放，佢又冇做错咩，劝大家放过女神。