YouTube频道「试当真」前日喺4周年直播举行《黑白大厨现场版》，不过竟然上演炉头着火意外，好彩救得熄。消防处就「抽水」，教大家煮饭着火嘅应对方法。
消防处今日喺社交网站发文，标题係「试吓当你真係煮紧饭时起火】。咦，仔细睇吓，「试当真」三只字就隐藏喺标题入面喎。消防处教大家，无论係用电磁炉定明火煮食，万一起火，记住以下步骤，就係熄炉、熄电掣或者掹插头；用锅具盖或者灭火毡冚住火种，直至熄灭。消防处提醒大家只要冚得够实，火缺乏氧气就会「窒息」。不过，灭火毡係防火物料，唔可以用其他毛毡代替㗎。
保持冷静可做「高冷厨神」消防处提醒大家保持冷静，就可以做「高冷厨神」啦。仲顺便卖广告，叫大家留意消防处Facebook同Instagram，因为处方嚟紧会公布「社区应急先锋计划」详情，教大家更多应急知识。
原文刊登于 AM730 https://www.am730.com.hk/本地/试当真煮饭起火被消防处抽水-教冷静应对可变高冷厨神-ray-online/507775?utm_source=yahoorss&utm_medium=referral
其他人也在看
发表评论