秋冬係栗子当造季节，一齐睇吓香港有咩栗子甜品食，连因电视节目黑白大厨而爆红嘅栗子Tiramisu香港都有呀～爆红栗子提拉米苏 Tic Tac Room唔讲唔知，原来而家香港都可以食到电视节目《黑白大厨》里面爆红嘅栗子Tiramisu！呢款「栗子提拉米苏」绝对係今季甜品界嘅话题之作，选用法国栗子蓉、丝滑澳洲忌廉芝士加上焦糖咖啡层层叠起，带嚟醇厚柔滑嘅口感；中间夹层加入消化饼增添层次感，入口即化，仲有淡淡嘅甜味，一啖接一啖都唔会腻。最上层再刨上细腻牛奶朱古力丝同栗子粒，口感丰富之余仲带阵阵香气，完美复刻节目冠军主厨嘅招牌甜品！法式纯素栗子千层酥 The Cakery呢间饼店继续坚持健康甜品嘅理念，推出咗一系列全新栗子口味嘅纯素甜点，畀大家无负担咁享受秋日精緻甜品！最值得试就係佢哋嘅法式纯素栗子千层酥，用上法国栗子蓉同澳洲忌廉芝士，层层叠出香浓细腻嘅口感，仲有鬆脆嘅酥皮包裹住，食落软绵绵；上面仲铺满栗子粒同金箔装饰，更贴心地提供迷你版拣𠻹～另外仲有栗子戚风蛋糕同栗子杯子蛋糕，前者鬆软轻盈香气十足；后者用纯素香草杯子蛋糕做底，中间係丰富嘅栗子忌廉，顶部再铺上顺滑嘅栗子蓉，每一啖都带出浓郁嘅栗子香。抹茶栗子蒙布朗雪糕 锅点图：mickhl日本浅草人气甜品店茶々工房进驻咗呢间餐厅，亦都带埋招牌甜品生榨抹茶栗子蒙布朗嚟！呢款甜品係用鬆脆嘅华夫筒盛载住，层层叠加北海道红豆蓉、抹茶黑糖浆、抹茶海绵蛋糕等丰富材料，口感多变。最特别嘅係以静冈县抹茶同法国栗子製成嘅生榨蒙布朗忌廉糊，香气四溢，抹茶同栗子完美结合，散发出自然嘅风味。内馅更加入天然柠檬果酱同新鲜柠檬皮，帮助平衡甜味，食落唔会觉得太腻。奶油栗子蓉朱古力戚风蛋糕 牧羊少年与他的浮萍图：eunice2046蛋糕选用香浓嘅栗子蓉同奶油製成，栗子香气浓郁，戚风蛋糕鬆软轻盈，每一啖都充满层次。佢嘅奶油唔会腻，香滑之余带有自然甜味，栗子蓉亦唔会过甜，令栗子本身嘅香气自然散发，配搭浓郁朱古力，带出更深层嘅口感；栗子粒甘甜，奶油栗子蓉则口感绵滑，入口即溶，令人回味无穷。顶层装饰用咗糖渍栗子同栗子蓉，成个甜品卖相精緻又吸引。文：Yanica编：Cathy其他人也在看
发表评论