胡定欣单身8年成功脱单鬆口感情现况认遇到合适对象

胡定欣

由黎耀祥、胡定欣、萧正楠及陈晓华等主演嘅TVB台庆剧《巾帼枭雄之悬崖》正在热播中，近日定欣接受传媒访问声称今次係入行以嚟最大压力嘅一次；同时佢仲鬆口感情现况。

由黎耀祥及邓萃雯主演嘅《巾帼枭雄》及《巾帼枭雄之义海豪情》有收视有口碑，所以胡定欣喺接受传媒访问时亦话外界对佢接邓萃雯棒有唔同嘅声音，而今次亦係佢入行以嚟最大压力嘅一次，除咗暴瘦之外，佢仲曾经怀疑自己接拍嘅决定。

入行超过20年嘅胡定欣，感情生活唔算丰富，喺1999年参加《TVB全球华人新秀歌唱大赛》时曾经与吴浩康挞着；分手后与马国明拍拖2年后和平分手；2012年与圈外男友拍拖2年但分手收场；去到2015年与音乐人陈明道交往，可惜一年后分开。单身8年嘅胡定欣，荣升单身贵族，不过佢喺访问时表示希望自己好似七爷咁遇到枭雄柴十七，同时佢亦鬆口感情现况，承认现时已经脱单，遇到合适嘅对象，希望喺合适时机同大家分享，佢强调唔係因为结婚与否，只係想俾空间自己去好好经营感情。至于男友係唔係圈外人，佢就大卖关子话下次先讲。